Museo birtuala
“Giza Eskubideen Aldeko Komikia”ren Museo Birtuala diseinatzeko aukeraketa bat egin da gure Fundazioak 2010ean antolatutako izen bereko nazioarteko lehiaketara aurkezten ziren 68 lan onenen artean. Izenburuak argi dioen bezala, biñetez osatutako lan horiek zerikusia dute Giza Eskubideen Deklarazio Unibertsaleko 30 artikuluetako batekin, eta testuak gazteleraz, euskaraz, ingelesez eta frantsesez irakur daitezke. Museo Birtuala hezkuntzarako bokazio argi batekin sortu da, 10 eta 15 urte bitarteko haur eta gazteei zuzendurik dago eta Museoaren bisitaldiaren gida didaktiko bat ere badu, gida horren bidez irakasleek eduki guztiak ezagutu, beren eskolak planifikatu eta ikasleei lagun diezaieten bisitaldi birtualean zehar..
Marrazkilariek hiru obra grafiko bidali ahal izango dituzte gehienez; horietako bakoitza hiru biñetaz osatutako komiki bat izango da eta zerikusia izango du Giza Eskubideen Deklarazio Unibertsaleko hogeita hamar artikuluetako batekin.
Ekimena marrazkilari amateur edo profesionalei zuzendurik dago, eta bere helburua da obrak sustatzea eta Giza Eskubideen Deklarazio Unibertsala hedatzeko ideia grafiko onak ematen dituzten autoreak saritzea.
