 |
76. Buletina - 2020ko otsaila |
 |
Buletin digitala
|
| EDITORIALA |
“Sustraietan elikadura, kimuetan itxaropen" Hogei urte, honez gero, Fernando Buesa eta Jorge Díezen erailketatik. Gauza asko gertatu izan diren hogei urte. Garrantzitsuena, gure Fundazioaren ikuspegitik, ETA talde terroristaren desagertzea. Horren zenbaki biribila aukera ona da Fernandoren ibilbidea gogoratzeko eta birpentsatzeko aita, senar, herritar, politiko eta, batik bat, askatasunarekin eta demokraziarekin engaiatutako gizon gisa. Bere parte-hartzeetako asko aratzak eta zehatzak zaizkigu oraindik gaixotasun moral bat salatzerakoan, are XXI. mendearen lehen hamarraldian min asko eta biktima asko utzi zituenak. Ez dago ideiarik, ezta bat ere, besteak hiltzeko edo horren alde hiltzeko arrazoi izango denik. Hori zen Fernandoren argudio nagusia. Ezta bat ere, zeren eta baten bat egongo balitz, totalitarismoan ardaztutako mundu bat baino ez litzateke eraikiko horrekin. Horrekin osatzen zuen bere gogoeta, trinkoa bezain zentzuzkoa, are gaur egun ganoragabeak eta kriminalak iruditzen zaizkigun argudioak normaltzat hartzen ziren garai haietan. Baina Fernando garbi azkar askorik ikusi zuenetakoa zen. Buruargi baten begirada zuen, une bakoitzean berritzen saiatu izan garena, terrorismoa zegoenean eta horren ondoren, bere izena daraman Fundazioaren jarduera bitartez. Hogei urte betetzen ditu horrek ere. Ahalegin partekatu eta plurala, gauza guztien gainetik hitzaren balioa eta giza-duintasunarekiko erabateko begirunea defendatzeko. Izan ere, Fernandoren hitzak itxaropen-iturri izaten jarraitzen dute gizarte hobeago bat eraikitzeko. |
XX. IN MEMORIAM |
XX. URTEURRENA FERNANDO BUESA ETA JORGE DÍEZ OMENTZEKO IN MEMORIAM EKITALDIA 2020ko otsailaren 20an Gasteiz hiribidea, 85 – 01005 – Vitoria-Gasteiz Sara Buesa Fernando Buesa Blanco Fundazioko Presidenteordearen parte-hartzearekin eta Lourdes Oñederra hitzaldi bereziarekin.
--- Doako sarrera, edukiera osatu arte ---
Halaber, Buesa-Rodríguez eta Díez-Elorza familiek, herritar guztiak otsailaren 22an, 12.00etan, egingo den lore-eskaintzan parte-hartzera gonbidatu nahi dituzte; horretarako, egun horretan memoriaren monolitoaren ondoan (Askatasuneko Lorategietan) loreak eta argiak utz ditzakete. (Nieves Cano eta Aguirre Miramón kaleen elkargunea). |
ZURE TESTIGANTZAK AXOLA DU |
|
Aurtengoa urte berezia da guretzat, 20 urteko betetzen baitira ETAk Fernando eta Jorge erahil zituela. Atzo izan balitz bezala gogoratzen dugu 2000. urteko otsailaren 22a. Sentitzen dugun min eta urradurarekin batera, gure oroimenean iltzaturik daude jaso genituen keinu eta babes adierazpen guztiak. “Ez dago ontasun ekintza txikirik. Ontasunak mugarik ez duen uhin hedakor bat sortzen du.” (Scott Adams). Gurekin minutu batzuk partekatzea proposatzen dizugu, etenaldi bati bide eman eta egindako ibilbideari atzera begirada bat emateko ariketa batez: Gogoratzen duzu egun hura?
.Animatzen bazara, lerro batzuk idatz ditzakezu eta zure testigantza edo gogoeta pertsonala utzi diezagukezu. Gure bizipen guztien kontakizunak oso garrantzitsuak dira gure oroimena eraikitzeko. Eta guretzat izugarri baliagarriak dira, konektatuta eta lagunduta sentiarazten laguntzen digutelako.
|
| HEMEROTEKA ETA IRITZIA |
Hemeroteka
Iritzia
Datuak Babesteko Erregelamendu Orokor berria (DBEO) 2016/679 betetze aldera, jakinarazten dizugu zure datuak Fernando Buesa Blanco Fundazioaren erantzukizuneko fitxategi baten parte izango direla, entitate horrek antolatutako argitalpenak eta jarduerak kudeatzeko eta zabaltzeko. Zure sarbide-, zuzenketa-, baliogabetze- eta aurkakotasun-eskubideak gauzatu ditzakezu, posta elektroniko bat honako helbide honetara bidaliz info@fundacionfernandobuesa.com eta zure eskaeraren xehetasunak azalduz. |
 |
|
|||||||||
|
|||||||||
|
