BIKTIMEN LEGEARI BURUZKO GOGOETAK

Begi onez ikusten dugu Terrorismoko Biktimei Aitortza egiteko eta Babes Integrala emateko Legea noizbait ere Legebiltzarrean tramitatzen ari dela.

Biktimen elkarte eta fundazioek hainbeste aldiz eskatu duten lege horrek gure errebindikazio askori erantzun beharko die. Zentzu horretan, azpimarratu nahi dugu entzun egin direla biktimen ahots pluralak eta, kasu askotan, legearen testuari erantsita geratu dela haien ekarpena.

Guretzat sinbolikoki oso garrantzitsua da testu hori alderdi politiko guztien artean adostutako lege proposamen bat izatea, horrek erakusten baitu badagoela batasun demokratiko bat terrorismoaren biktimen trataerari dagokionez, eta hori biziki atsegingarria zaigu.

Oro har, legeak balorazio baikorra merezi du gure ustez, nahiz eta badituen, noski, hobetu litezkeen zenbait gauza.

Fernando Buesa Fundazioko kideok, biktimen gainerako fundazio eta elkarteetakoek bezala, aukera izan genuen lege horri buruzko gure iritzia adierazteko Diputatuen Kongresuan. Agerraldi honetan argitu nahi dugu aldi hartan esan genuela lege hori gure ustez beharrezkoa dela, batasun demokratikoaren emaitza dela, askotan biktimen ahots pluralak jasotzen dituena eta bere edukiarekin erantzuna ematen diela une honetan ditugun erronka askori.

Guztiarekin ere, esan genuen bazirela legean txertatu zitezkeen bi gogoeta, biktimen memoria eta parte-hartzearekin zerikusia zutenak.

Gregorio Ordóñez, Maite Torrano, Joxe Mari Korta eta Fernando Buesa fundazioek testu komun bat aurkeztu dugu Diputatuen Kongresuan, legean bi puntu hauek jaso daitezela eskatuz:

• Terrorismoaren Biktimen Partaidetza Kontseilu bat sortzea biktimei dagozkien gai guztietarako topaleku eta partaidetza gune izateko.
  
• Biktimen Memoriako Zentro bat sortzea.

Biktimen memoria kolektibo bat eraiki behar da, anitza, partekatua, konplexutasunetik adostua eta manipulaziorik gabea.
Bizikidetza demokratiko oso bat lortzeko beharrezkoa da biktimen memoria, biktimen izate objektiboaz jabetzea.
Biktimen memoria kolektiboa terrorismoaren deslegitimazio etiko, sozial eta politikoaren oinarri bilakatu behar da.

Diputatu Kongresuan Fernando Buesa Fundazioak argitaratutako proposamena

Azaroaren 3an hasiko dira “Baloreetan heztea: Giza eskubideak eskola demokratikoan” irakasleentzako prestakuntza ikastaroak

“Baloreetan heztea: Giza eskubideak eskola demokratikoan” izenburupean hasiko da azaroaren 3an, Eusko Jaurlaritzaren Hezkuntza Sailarekin lankidetzan eta GARATU programaren barruan, Fernando Buesa Fundazioak antolatutako irakasleentzako prestakuntza ikastaroa. Ikastaro honen bidez prestakuntzarako ez eze, gogoetarako gune bat ere zabaldu nahi dugu, hezkuntza eta humanismoaren munduko pertsona ospetsu batzuek baloreetan oinarritutako hezkuntzari buruzko norabideak eman diezazkieten irakasleei.

Inaugurazio hitzaldia Gasteizko alkate ohi eta Bakeaz taldeko Bake Eskolako kide den Jose Angel Cuerda jaunak emango du izenburu honekin: “Gizartea eta politika bakerako hezkuntzan”.

Hezkuntza esatea eta baloreen (arauen, portaera ereduen, norabide bitalen, helburuen) transmisioa esatea, gauza bera da. Orduan, zergatik bereizten ditugu ezberdinak balira bezala? Segurutik, gauza bi horien arteko begi bistako harremanaz haratago joatea delako helburua. Beharbada, hainbeste denboran gauza naturala bezala bizi izan dugun harreman hori gaur egun krisi gogor batean sartuta dagoelako.
Irakasleei zuzendutako ikastaroa izan arren, interesatutako edonor joan daiteke hitzaldiak entzutera.

Egitaraua ikusi

Bideoa. Retratos': Recuerdo a Fernando Buesa, Máximo Casado y Jorge Díez

Video juegos por la Paz
Revista Virtual REPLIKA 14/09/2010 Dokumentuen hizkuntza: ESPAÑOL

Fundazioaren azken komunikatuak

"Hiltzaileen argazkien gorespen publikoa irain jasanezina da"

Bideojokoa MANRAÍS
Zure eskuetan daude

MANRAÍS. Zure eskuetan daude (argazkia) Bere hezkuntza-lanaren bidetik jarraituz, Fernando Buesa Fundazioak Manrais. Zure eskuetan daude bideojokoa sortu du. Bideojoko interaktibo honen helburua da Giza Eskubideen Aldarrikapen Unibertsalaren bederatzi artikulu ezagutaraztea eta haietaz gogoeta eginaraztea. 10-13 urteko haurrengandik gertuen dauden egoerak islatzen dituzten artikuluak jorratzen dira bideojokoan. Eskariak: centrodocumental@fundacionfernandobuesa.com

Sakatu hemen bideojokoaren demoa ikusteko

Sakatu hemen bideojokoaren dosierra lortzeko

FERNANDO BUESA BLANCO FUNDAZIOAk GIZA ESKUBIDEEN ALDEKO nazioarteko lehenengo KOMIKI lehiaketarako deialdia egiten du. Marrazkilariek hiru obra grafiko bidali ahal izango dituzte gehienez; horietako bakoitza hiru biñetaz osatutako komiki bat izango da eta zerikusia izango du Giza Eskubideen Deklarazio Unibertsaleko hogeita hamar artikuluetako batekin. Ekimena marrazkilari amateur edo profesionalei zuzendurik dago, eta bere helburua da obrak sustatzea eta Giza Eskubideen Deklarazio Unibertsala hedatzeko ideia grafiko onak ematen dituzten autoreak saritzea.

Ikusi lehiaketaren oinarriak