BIZIKIDETZA DEMOKRATIKO OSORANTZ

Bizikidetza demokratikoa gogoetarako gaia izan da Fernando eta Jorgeren erailketen hamaikagarren urteurrenaren karietara egindako azken “In Memoriam” ekitaldian.

Indarkeria terrorista betiko desagertuko delako itxaropena indartzen hasi zaigun une honetan, iruditzen zaigu funtsezkoa dela bizikidetza demokratiko osoko eredu bat eraikitzea. Eta eredu horren oinarria Zuzenbide Estatuaren printzipio eta funtzionamendua besterik ezin daiteke izan.

Biktimok urteak daramatzagu bizikidetza eraikitzen, uko eginez mendekuari eta justizia gure esku hartzeari, gure konfiantza osoa jarriz justizia egingo delako ustean.

Hain zuzen ere, Zuzenbide Estatuaren funtzionamenduak ekarri gaitu egoera itxaropentsu honetara, eta balio demokratikoen bidea da lehen bezala orain ere ezin abandonatu dezakegun bidea, esploratu gabeko lasterbidetan ez lokazteko.

Eskatzen dugun bizikidetzak ez du esan nahi inork bere sinesmenak bazterrean utzi behar dituenik, baina bai errespetuz jokatu behar duela, portaera tolerante eta ez-sektarioa izan behar duela. Aldiz, bizikidetza horrek eskatzen duena da espresuki uko egitea indarkeria eta koakzioa helburu politikoak lortzeko tresna bezala erabiltzeari, eta metodo horien gaitzespena ez da bakarrik proiektatu behar aurrean daukagun etorkizunaren gainean, baina baita ere hamarkada hauetan guztietan pairatu dugun izu eta gorrotozko iraganaren gainean. Egindako gaizkia aitortzea funtsezko urratsa da zauriak ixteko, etorkizuna oinarri sendoen gainean eraikitzeko.

Terrorismoaren aurkako batasun demokratikoa izan da egoera honetara ekarri gaituen giltzetariko bat. Une honetan sekula baino garrantzitsuagoa da batasun politiko eta sozial horri eustea. Ezin dugu arriskuan jarri prozesu honen emaitza bigarren mailako kontuetan izan ditzakegun desadostasunengatik.

Eraiki dezagun oraintxe bertan bakea, askatasuna eta bizikidetza Zuzenbide Estatuaren printzipioetan oinarriturik.

FERNANDO BUESA ETA JORGE DÍEZ OMENTZEKO XI. IN MEMORIAM EKITALDIA
« BIZIKIDETZA ERAIKI »

Azken hamaika urte hauetan, otsailero, Fundazioak gogoetak, pentsamenduak eta ideiak eskaini dizkio euskal gizarteari Naty Rodriguez bere presidentearen bitartez. Natyren hitzak zuzenean datoz bihotzetik, gogoeta lasai eta konstruktiboen emaitza dira, eta baikortasunaren argia piztu nahi dute gu guztiongan. Natyrentzat biktimek beti dute toki berezi bat ekitaldi honetan, lagundu egiten die beren oinazean, eta animatu egiten ditu etorkizunari itxaropenez eta ilusio berritu batekin begiratzen.

Natividad Rodríguezen emanaldiaren bideoa Hitzaldia

Alex Puig biolin-jolea eta Oleguer Aymamí Busqué biolontxelo-jolea Brossa Quartet de Corda taldeko kideak dira, eta talde hori gaur gurekin izango da. Taldea sortzean asmo bat izan zuten: musika klasikoaren areto tradizionaletatik urrundutako errepertorio bat lantzea eta kidetasunak bilatzea beste musika estilo batzuekin. Musikari hauek gainditu egin nahi dituzte etiketa musikalen arteko mugak eta eurek ere bizikidetzako esparru berriak bilatu nahi dituzte era guztietako estilo eta adierazpen artistikoak elkartuz: antzerkia, dantza eta literatura.

Quarter Brossaren emanaldiaren bideoa

Hitzaren hiru maisu ekarri nahi izan ditugu gure artera: beste mundu batzuetara eramaten gaituzten hiru idazle dira, Luisa Etxenike, Felipe Juaristi eta Anjel Lertxundi. Hitzen bidez gure artean gogoetak, sentimenduak, emozioak ereiten dituzten hiru artista. Garen baino hobeak sekula izango bagara, ikasi egin beharko dugu geure burua hitzez adierazten eta besteen hitza ere entzuten.

Luisa Etxenikeren emanaldiaren bideoa Hitzaldia

Felipe Juaristiren emanaldiaren bideoa       Hitzaldia

Anjel Lertxundiren emanaldiaren bideoa        Hitzaldia

Urtero bezala, zuen jakinean jarri nahi dugu zer lan egin duen Fundazioak, nola bideratu ditugun gure ahaleginak biktimen oroimena bizirik mantentzeko eta gure gizarteari ulertarazteko zeinen baliotsuak diren bizitza, askatasuna, ezberdinarekiko errespetua eta tolerantzia.

Bideoa Ikusi

Lehenengo aldia da oroimenezko ekitaldi honetan dantza garaikideari tartetxo bat eskaintzen dioguna. Gurekin izan dugun Konpainiaren sortzaileak Virginia García eta Damián Muñoz dira. Dantza garaikidea beste arte mota batzuekin aberasten dute, esaterako musikarekin eta ikus-entzunezkoekin. Taldeak 2009ko MAX saria irabazi zuen “STAFF” izeneko lanarekin, eta 2004ko Ciutat de Barcelona saria “Öleles” lanarekin.

La Intrusa Danzaren emanaldiaren bideoa

Ekitalde osoaren bideoa

Argazki Galeria

La huella más allá de las trincheras
noticiasdealava.com 2011/02/23 Dokumentuaren hizkuntza: Gaztelera

¿Quién va a escribir la historia?
elpais.com. 2011/02/23 Dokumentuaren hizkuntza: Gaztelera

López promete que la historia vasca se escribirá desde la memoria de las víctimas
El Mundo. 2011/02/23 Dokumentuaren hizkuntza: Gaztelera

«Debemos poner los cimientos para que las futuras generaciones convivan en paz»
elcorreo.com. 2011/02/23 Dokumentuaren hizkuntza: Gaztelera

El PSE fija en el legado de Buesa su guía para avanzar en tiempo" "la esperanza de un nuevo
noticiasdealava.com. 2011/02/23 Dokumentuaren hizkuntza: Gaztelera

Construir convivencia, tarea pendiente. NATALIA ROJO
El Correo. 2011/02/22 Dokumentuaren hizkuntza: GAZTELANIA

Caerse del caballo o bajarse del tren. VICENTE CARRIÓN
El Correo.COM 2011/02/23 Dokumentuaren hizkuntza: GAZTELANIA

Centralidad de las víctimas y derechos humanos. XABIER ETXEBERRIA
El Correo. 2011/02/26 Dokumentuaren hizkuntza: GAZTELANIA

Sobre el derecho a la individualidad. KIRMEN URIBE
El Correo. 2011/02/27 Dokumentuaren hizkuntza: GAZTELANIA

Bideojokoa MANRAÍS
Zure eskuetan daude

Bere hezkuntza-lanaren bidetik jarraituz, Fernando Buesa Fundazioak Manrais. Zure eskuetan daude bideojokoa sortu du. Bideojoko interaktibo honen helburua da Giza Eskubideen Aldarrikapen Unibertsalaren bederatzi artikulu ezagutaraztea eta haietaz gogoeta eginaraztea. 10-13 urteko haurrengandik gertuen dauden egoerak islatzen dituzten artikuluak jorratzen dira bideojokoan. Eskariak: centrodocumental@fundacionfernandobuesa.com

Sakatu hemen bideojokoaren demoa ikusteko

Sakatu hemen bideojokoaren dosierra lortzeko