Buletin digitala

"Indarrez kendutako Geroak. Azaleratzen doazen bizitzak"

“Indarrez kendutako geroak. Azaleratzen doazen bizitzak” izenburuarekin ospatu genuen pasa den otsailaren 20an Fernando Buesaren eta Jorge Díezen erailketen omenezko XXII. In Memoriam-a.

Indarkeria terroristak proiektu politiko baztertzaile bat eraiki nahi izan zuen, balizko etorkizun kolektibo hobeago batean oinarrituta, indarrez kendutako bizitza jakin batzuk aberriaren aldarean sakrifikatzea eskatzen zuena.

Lapurtutako bizitza horiez eta gertatutakoa ahaztuko ez duen etorkizuneko proiektu politiko barneratzaile bat eraikitzeko beharraz aritu ziren euren mintzaldietan Sara Buesa eta Eduardo Madina oroimenezko ekitaldi horretan.
Sara Buesak gogoratu zigun ETAk euskal herriarentzat nahi zuen etorkizun hobeago baten ideia “pertsona askoren etorkizun zehatzeko aukeren” ezabapenean oinarritu izan zela. “Etorkizun errealak, ukigarriak, egunerokotasunekoak, nonbait, indarrez kenduak izan zirenak”.

Sarak etorkizuna memoriatik eraikitzearen premia mahairatu zuen, euskal “gu” bat eraikitzeko nahia duela azpimarratuz, gure komunitatearen bertsio berri baten laguntzaz, “toleranteagoa, gizatiarragoa eta errukitsuagoa” izango dena, eta baita “gure historiaren kapitulu ilun horri heltzeko” beharra ere, “sendatzeko, gure esperientziatik ikasteko eta akats berberak ez egiteko”.

Ardatz horien inguruan ibili zen ondoren Eduardo Madinarekin izan zuen solasaldi zeharo interesgarri nola ezinbestekoa ere.

Iluntasunaren eta beldurraren garaian, Eduardok balio multzo batean aurkitu zuen harentzako aingura, bere euskarria, bizitza ikusteko zuen erarekin eta konpromiso politikoarekin loturikoa, hain zuzen.

Sarak maitasunean aurkitu zuen euskarria, batez ere bizitzarekiko maitasunean, besteei zerbitzatzeko beharrean oinarrituta eta benetan garrantzitsua dena jarriz erdigunean.

Bereziki esanguratsua izan zen Eduardok aipatutako ideia baten adierazpena, hainbat eratan egina izanagatik ere garrantzi berezia hartzen duena atentatu terrorista bat jasan izan duen baten ahotik entzutean: “Ez dago ideiarik, ezta niretzat biziena litzatekeenik ere, bizitza batek baino gehiago balioko duenik, ezta niri gutxien axolako zaidan bizitza batek baino ere”. Eta esan zuen “heldutasuna maiuskuletatik minuskuletara igarotzea” dela, “minuskuletan funtzionatzea, ahapeka, egunerokotasuna eta gauza txikiak bizitzen”, alegia.

Maiuskuletan bizi zirenen bokantza hantusteak, egia absolutuaren jabe zirela guztiz sinetsirik, eraman zuen gauza guztien gainetik ezarri nahi izatera.
Sarak ukatu egin zuen aurrez aurre ziren bi bandoren arteko gatazka bat egon denik, eta bi bando baino ez daudela esan zuen irmoki: pertsona guztientzako giza eskubideak indarrean izatea eta aplikatzea argi eta garbi defendatzen dutenak, ezberdin pentsatzen dutenenak barne, eta euren eskubideak bakarrik defendatzen dituztenena.

ETAren amaierari buruz, bi hizlariak bat etorri ziren benetakosunean oinarritutako euskal gizarte bat eraikitzeko beharraz: gizarte plurala, askotarikoa, euskalduntasuna eta horren konplexutasuna bizitzeko modu askorekin. Etorkizun hori memoria sendo batean oinarrituta eraiki behar da, gaitzespenak gaindituz baina iraganaren kontzientziarekin. Pluralismoa eta memoria funtsezko printzipio gisa.

Memoriaren eta ahanzturaren artean gabiltza harat-honat, eta orria presaka ez pasatzen saiatu behar gara, gaiztakeriaren aurrean euskal herritarren gehiengo handi baten axolagabekeria ez dadin berriz ere adierazi berriro errepikatu ezin den iragan baten ahanzturan. Proiektu kolektibo horrek konpromiso pertsonal bat eskatuko digu gutako bakoitzari, jardun terroristaren proiektu deslegitimatzaile bat, pertsonen eskubide oinarrizkoenen urraketa larriko iragan makur bat ez errepikatzean oinarritutakoa.

Gasteizko Europa Biltzar Jauregiak hartu zuen berriro Fernando Buesa Blancoren eta Jose Díez Elorzaren aldeko In Memoriam-a, ETA talde terroristak erail zitueneko hogeita bigarren urteurrenaren harira.

Ekitaldia Eva Domaika kazetariak aurkeztu zuen, beste urte batez, eta Sara Buesak eta Eduardo Madinak hartu zuten parte.

  XXII. In Memoriam-en bideo osoa  

.

Xabier Markiegi eta Santiago Bengoa Fundazioaren patronatuko kideren omenez eta oroipenerako bideo labur batekin eman zitzaion hasiera ekitaldiari. Biak ala biak pasa den urtean hil ziren.

Xabier Markiegi eta Santiago Bengoaren omenezko bideoa 

 Jarraian, Fundazioak 2021ean burututako guztia laburpena jasotzen zuen jardueren bideo bat eman zen.

  Fundazioaren en 2021 jarduaren bideoa

Eva Domaikak Sara Buesari eman zion hitza ondoren. Sarak hitzaldi labur bat egin zuen oraingo honetan, Eduardo Madinarekin izan zuen solasaldiari tartea egin baino lehen. Solasaldi horretan, euren bizipenak aletu zituzten biek, eta, batez ere, terrorismorik gabeko baina memoriadun euskal gizarte baterako duten nahia partekatu zuten.

Sara Buesaren hitzaldia eta ondoren Eduardo Madinarekin mahaingurua

La Oreja de Van Gogh taldearen Sirenas [Uhandreak] bideoklipa eman zen gero, XX. In Memoriamari amaiera emateko. Bideoaren hasieran taldeko partaideek agur hunkigarria helarazi zioten ekitaldira bertaratutakoei.

'La Oreja de Van Gogh' agurraren bideoa

Lore eskaintza

XXII. In Memoriam-a eta bi egunera, otsailaren 22ko asteartearekin, lore eskaintza bat egin zen Vitoria-Gasteizko Askatasunaren Lorategietan, atentatua izan zen tokian jarritako monolitoaren ondoan. Beste urte batez, Buesa-Rodríguez eta Díez-Elorza familiek omenaldia egin zioten Jorgeri eta Fernandori, eta, horien bidez, terrorismoaren biktima guztiei, PSE-EEko kide batzuen, Ertzaintzaren eta herritar askoren babesarekin. Bertan egon ziren, halaber, euskal legebiltzar arkuko alderdi politiko guztietako kideak, eta Espainiako Gobernuko, Eusko Jaurlaritzako, Eusko Legebiltzarreko, Arabako Foru Aldundiko, Arabako Batzar Nagusietako eta Vitoria-Gasteizko Udaleko agintariak.

XXII. In Memoriam ekitaldearen eta lore-eskaintzaren argazki-galeria

TERRORISMOARI BURUZKO BIDEO SCRIBING-A

Otsail amaieran gure Fundazioak eta Terrorismoaren Biktimen Oroimenerako Zentroak hiru bideo aurkeztu genituen, euskaraz eta gaztelaniaz, bideo scribing teknikaren bidez eginda, terrorismoa zer den, haren ondorioak zein diren, zein den bere historia eta nola deslegitimatu daiteken ezagutzera emateko helburuarekin. Ikus-entzunezko formatu horretan, esku batek istorio bat erakusten du elementu grafiko batzuekin hondo zuri baten gainean, off-eko ahots batek kontatutako gidoi bati bizitza emanez.

Tresna berritzaile horren emaitza dagoeneko eskuragarri dago bi fundazioen webgune eta sare sozialetan. Hiru bideotarako estekak uzten dizkizuegu hemen, ikusi eta zabal ditzazuen:

‘Zer da terrorismoa’

‘Terrorismo en Espainian'

‘Terrorismoari zilegitasuna kentzea’

Hemeroteka

Sara Buesa pide no dejar atrás la memoria y construir un futuro en el que ningún proyecto político excluyente tenga cabida
Europa Press 2022/02/20

Sara Buesa critica el apoyo a las acciones violentas
Diario Noticias de Álava 2022/02/21

«La empatía con las víctimas es incompatible con el apoyo a los violentos»
El Correo 2022/02/21

Rosas, abrazos y unidad para recordar a Buesa y Díez
El Correo 2022/02/23

Tres vídeos didácticos que muestran en pocos minutos cómo deslegitimar el terrorismo
Diario Vasco 2022/03/01

Tres vídeos para deslegitimar el terrorismo
El Correo 2022/03/01

Tres vídeos para conocer qué es el terrorismo, cómo ha actuado en España y cómo se deslegitima
El Diario Norte 2022/03/01

La Fundación Buesa y el Memorial de Víctimas editan tres videos para profundizar en la deslegitimación del terrorismo
Europa Press 2022/03/01

Vídeos, cómics y otras formas de relatar y deslegitimar el terrorismo de ETA
Vozpopuli 2022/03/06

Iritzia

“Aplausos de la desmemoria” Iñaki Aduriz
Diario Vasco 2022/02/09

“A vueltas con el terrorismo” José Andrés Rojo
El País 2022/02/18

“¿Los extremos se tocan?” Gaizka Fernández Soldevilla
El Correo 2022/02/21

“La violencia en el origen de la autonomía” Manuel Montero
El Correo 2022/03/01

“Los parias de la tierra” Joseba Eceolaza
Diario Vasco 2022/03/07

Datuak Babesteko Erregelamendu Orokor berria (DBEO) 2016/679 betetze aldera, jakinarazten dizugu zure datuak Fernando Buesa Blanco Fundazioaren erantzukizuneko fitxategi baten parte izango direla, entitate horrek antolatutako argitalpenak eta jarduerak kudeatzeko eta zabaltzeko. Zure sarbide-, zuzenketa-, baliogabetze- eta aurkakotasun-eskubideak gauzatu ditzakezu, posta elektroniko bat honako helbide honetara bidaliz info@fundacionfernandobuesa.com eta zure eskaeraren xehetasunak azalduz.