 |
71. Buletina - 2019ko otsaila |
 |
Buletin digitala |
| EDITORIALA |
“Gu=Zu” Neskei eta mutilei denbora bat joaten zaie eskolan bere larruazalaren kolorean den aldeaz erreparatzerako. Kanpotik ohartarazten zaie errealitate horretaz, eta distantziak sortzen hasten dira era batekoak edo bestekoak direnen artean, bilatzen duten faktorearen arabera sortu ere. Diferentzia eraikuntza sozial bat da, eraikuntza kultural bat, talde batek beste batengandik edo beste batzuengandik bereizteko duen beharrak bultzatua, talde horrengandik eta horiengandik abantaila izateko edo duen abantaila hori ziurtatzeko estrategia bat ezartzeari begira. Historian zehar, Gure eta Euren artean ezarritako aldeak onartu ezinezko desberdintasunei bide eman die sarritan, are indarkeria handiko ekintzei. Horien artean, euskal gizarteak jasan izan duen terrorismoa dago; diferentzien arteko joko horretan oinarritzen zen, setatsu bilaturiko balizko nortasun batzuen arteko aldean, elkarrekin eraman ezinak zirenetan, alegia. Terrorismo hori gailendua izan da, eta oinarritzen zen logika deseraikitzeko eginkizuna, hain zuen ere, Amin Maalouf-ef salatu izan zituen identitate hilkor horien logikari amaiera ematean datza. Pertsonak, izan ere, era batekoak edo bestekoak gara, gizarte aniztasunak identitateak desegiteko, sakoneko nortasun hipotetiko horiek galtzeko arriskua dakartela norbaitek buruan sartzen digunean orduan, soilik orduan, hasten gara elkarren aurka jartzen ezberdinak izateagatik. Behartutako diferentziaren printzipioa da, izan; Bestea baztertzeko edo ukatzeko logikara daraman Gu eta Eurak dikotomiko nola fosildua. Muturreraino eramanez gero, are ezabatzeko logikara daramana. Hurbilagoan, berriz, bereiztera daramana, geure eskubideak partekatzeko duen aukera galarazteko. Eta ez da gutxi. Horiez eta beste hainbat kontuez arituko da Fernando Buesa eta Jorge Díezen aldeko XIX. In Memorian-a datorren otsailaren 21ean. |
XIX. IN MEMORIAM |
XIX. URTEURRENA FERNANDO BUESA ETA JORGE DÍEZ OMENTZEKO IN MEMORIAM EKITALDIA 2019ko otsailaren 21an (Liburutegitik sartuko gara, Prudencio Maria Berastegi kaletik) Sara Buesa Fernando Buesa Blanco Fundazioko Presidenteordearen parte-hartzearekin eta Adela Cortina hitzaldi bereziarekin. --- Doako sarrera, edukiera osatu arte ---
Halaber, Buesa-Rodríguez eta Díez-Elorza familiek, herritar guztiak otsailaren 22an, 12.00etan, egingo den lore-eskaintzan parte-hartzera gonbidatu nahi dituzte; horretarako, egun horretan memoriaren monolitoaren ondoan (Askatasuneko Lorategietan) loreak eta argiak utz ditzakete. (Nieves Cano eta Aguirre Miramón kaleen elkargunea). |
HITZALDI-SOLASALDIA "EUSKAL GIZARTEA TERRORISMOAREN AURREAN" |
Fernando Buesa Blanco Fundazioak, Sancho el Sabio Fundazioak, Terrorismoaren Biktimen Oroimenerako Zentro Fundazioak eta Valentín de Foronda Gizarte Historiarako Institutuak hitzaldi-solasaldi bat antolatu genuen pasa den urtarrilaren 8an, ‘Euskal gizartea terrorismoaren aurrean (Sancho el Sabio Fundazioaren bidez)’ erakusketaren gainean. Erakusketa pasa den abenduan eta urtarrilean ikusi ahal zen Gasteizko Araba Aretoan. Lau ataletan banatuta zegoen. Lehenengoan, istorio honen mugarri eta data garrantzitsuenak identifikatzen ziren, bai terrorismoaren ekintzenak bai euskal (eta espainiar) gizarteak terrorismoaren aurrean hartzen joan izan diren jarrera dinamiko eta aldakorra adierazten dutenak. Ondoren, jarrera aldaketa horren adierazpide eta erakusgarri ziren gertaeren ibilbide labur bat egiten zen, mugimendu zibiko bakezaleen eta biktimen euren mugimenduen hazia izango zirenena, besteak beste Hipercorreko eta Zaragozako kuarteleko atentatu bortitzak, Ortega Lararen bahiketa edo Miguel Ángel Blancoren erailketa.
|
| HEMEROTEKA ETA IRITZIA |
Hemeroteka
Iritzia
|
 |
|
|||||||||
|
|||||||||
|
