 |
60. Buletina - 2016ko urria |
 |
Buletin digitala |
| EDITORIALA |
Beharrezkoa den balantzea Asmo handikoa da Eusko Jaurlaritzak aurreko legegintzaldian terrorismoaren biktimen memoriarako eta onarpenerako egin duen politikaren balantzea, baina, aldi berean, emaitzei eta filosofiari buruzko begirada kritikoa ere egin behar zaio. Bake eta Bizikidetza Plana eta Gogora Institutua, zalantzarik gabe, proposamen garrantzitsuak dira, eta hainbat jarduera eta proiektu gain hartzen dituzte (batzuk amaituta daude eta beste batzuk abian dira). Horrek bat dator Urkullu lehendakariak zuen asmoarekin: ETA amaitu ostean memoriaren politika bat egitea. Horixe izan zen aurreko legegintzaldiaren hiru oinarrizko ardatzetako bat. Fernando Buesa Blanco Fundazioak pozik hartu zuen Bake eta Bizikidetza Plana, baina horren filosofiarekiko kritikak bi alderditan oinarritu genituen. Alde batetik, edukien inguruko adostasun politikoaren falta sumatu genuen. Planaren lehen zirriborroak ez zuen jaso “zoru etiko” deitutakoa, aurreko legegintzaldian adostutakoa, eta ondoren gaineratu behar izan zen eranskin gisa. Dena dela, Planaren erdigunea izan beharko litzateke. Zoritxarrez, adostasuna baztertu zen, urteotan terrorismoa politikoki eutsi duen sektorearekiko oreka bilatzen baitzen. Horren truke, saihestu egin zen aurreko legegintzaldian Bake eta Bizikidetzaren ponentzian adostutako lan osoa. Behin eta berriz esan bazen ere Sortuk autokritika egin behar zuela, Planak gaine-gainetik aipatzen du alderdi hori. Beste alde batetik, eta aurrekoarekin oso lotuta, Planean indarra galdu dute indarkeria terroristan ezker abertzale erradikalak izan dituen erantzukizunek, eta ETA zegoen bitartean sortutako sufrimendu anitzetan oinarritzen da Plana, baina aipatu gabe, biktimen esanahi politikoa bazter batean utziz. Horren ondorioz, guda zibiletik terrorismora arte, eta frankismotik igarota, garaien eta espazioen araberako biktima ezberdinak batu egiten ziren bakoitzaren berezkotasuna aintzat hartu gabe. Biktima guztiak —ETAren, terrorismoaren aurkakoen eta polizia-gehiegikerien biktimak— onartu eta horien eskubideak lehengoratu behar ditugu, baina bakoitzari esanahia eman behar zaio. (...)
|
| “Vitoria-Gasteiz hiri hezitzailea” |
Fernando Buesa Fundazioak parte hartuko du “Vitoria-Gasteiz Hiri Hezitzailea 2016-2017" programan Ekimen horren barruan, Giza Eskubideen defentsa eta difusioa lantzen dituen bi jarduera eskaintzen ditu Fernando Buesa Blanco Fundazioak parte hartu du, lehendabiziko aldiz, Vitoria-Gasteizko Udalaren “Vitoria-Gasteiz Hiri Hezitzailea 2016-2017” programan. Proiektuak 214 jarduera hezitzaile bildu ditu Udalak berak eta beste entitate batzuek proposatutako 12 gai-arlotan banatuta. Jarduera horiek guztiak hiriko ikastetxeek eskatuta egingo dira datorren ikasturtean. “Bizikidetza eta Aniztasuna" gai-arloaren barruan, Fundazioak “Baloreetan heztea: helburu digital hezitzaileak” proiektua eskainiko du. Proiektuak Giza Eskubideen defentsa eta difusioa landuko duten bi ekimen ditu: "Giza Eskubideen aldeko tira" erakusketa birtuala “Bloggers of Concordia” bideojokoa Ekimen honen bidez —erakusketa batek eta zenbait joko interaktibok osatzen dute—, eskola-eremuan zabaldu eta ezagutarazi nahi dugu zer eskubide ditu gizakiak halabeharrez. Gure askatasuna babesteko, justiziaren alde egiteko, errespetuz eta elkartasunez aritzeko beharra proposatuko da hurbiltasunez, erraz uler eta barnera ditzaten geletan eztabaidatuz eta hitz eginez. Laburbilduz, Giza Eskubideen Adierazpen Unibertsalaren balioak transmititzeko orduan eskolari eta familiei lagunduko zaie. Proposamen hezitzailea zehaztasun handiagoz ezagutu ahal izateko, ondoko estekan sartu: “Baloreetan heztea: helburu digital hezitzaileak”
|
| IN MEMORIAM |
José Ramón Recalde Duintasunaren, ausardiaren eta erresistentziaren adibide bat
José Ramón uztailaren 17an hil zenean, familiakoengan eta adiskideengan ordezkatu ezingo den hutsunea utzi zigun, baita demokrata bakoitzarengan ere. Askatasunaren eta demokraziaren aldeko borrokaren adibidea izan zen haren bizitza. Hasiera batean, errepresio frankista jasan zuen, eta ondoren, ETAren zentzugabekeria, Fernando hil zuten urte berean. Biak izan ziren Eusko Jaurlaritzako Hezkuntzako sailburu. José Ramón gure Fundazioko patronatuko kide zen 2000. urtean sortu zenetik. Duintasunaren, ausardiaren eta erresistentziaren adibidea izan da eta da terrorismoaren biktima guztientzat; beti izan da koherente balore demokratikoekin eta giza eskubideen defentsarekin. Haren “Fe de vida: memorias” liburua balio handiko legatua da, eta basakeria mota guztien aurkako gizalegezko adore sutsua erakusten du; horrez gain, hitzaren, kulturaren eta humanismoaren balioak gailentzen ditu ideologia guztien aurrean. Agur, adiskide. Goian bego.
Augusto Borderasek (Fernando Buesa Blanco Fundazioko zaindaria) José Ramón Recalderen memorian idatzitako artikulua. |
| HEMEROTEKA ETA IRITZIA |
Hemeroteka
Iritzia
|
 |
|
|||||||||
|
|||||||||
|
