17. Buletina - 2019ko abendua

BIDEO-JOKO BERRIA "CONCORDIA BLOGGERS 6"

Pasa den abenduaren 10ean, Giza Eskubideen Eguna, hitzaldi-solasaldi bat antolatu genuen Fernando Buesa Fundazioak eta Terrorismoaren Biktimen Oroimenerako Zentro Fundazioak Gasteizko Biltzar Aretoan, “Terrorismoaren deslegitimazioa” izenburupean. Ekitaldian hauek hartu zuten parte: Marta Buesa eta Eduardo Mateo (Fernando Buesa Fundazioa), Raúl López Romo (Terrorismoaren Biktimen Oroimenerako Zentroa) eta María Lozano (Radicalisation Awareness Network - RAN).

Hitzaldi interesgarri horren nondik norakoak jakin nahi badituzue, hemen klikatu eta YouTubeko geure kanalean ikus dezakezue.

Ekitaldi berean, "Concordia Bloggers 6 –  Terrorismoa biziraun nuen” bideo-jokoa aurkeztu genuen, balioen araberako hezkuntza eremuan egiten ari garen lanaren ildotik. Terrorismoaren Biktimen Oroimenerako Zentro Fundazioarekin lankidetzan egindako bideo-joko berri hori Giza Eskubideen Adierazpen Unibertsalaren 19. artikuluan oinarritzen da, eta terrorismoaren deslegitimazioari heltzen dio.

Gazteei abentura bat proposatzen zaie ekimen birtual horren bidez, zeina eskura izan ohi dituenen oso antzekoa baita alderdi teknikoaren aldetik, eta giza eskubideak ezin besterenduzko zerbait direla ikasiko dute horrekin. Gure askatasuna zaintzea, justizia defendatzea, begirunez eta elkartasunez jokatzea eta beste aztertzen dira hurbiltasunezko giro batean, gazteek bere egunerokoan bizi ohi ditzaketen egoera batzuek tarteko. Azken batean, kontua da ikastetxeekin eta familiekin batera lan egitea Giza Eskubideen Adierazpen Unibertsalean oinarritutako balioak igortzen. Material pedagogiko horrekin, helburua da bi esparrutan esku hartzea: lehen batean, erradikalizazioaren prebentzioan, eta, bigarren batean, erradikalizazioaren desegitean. Gai berria da, zinez, ez da orain arte aukeratua izan; gai egokia, beraz. Gure herrialdean ez da terrorismoaren deslegitimazioa horren modu zuzenean heltzen dion beste bideo-jokorik.

Gasteizko Playful Robot enpresak garatu du eta gaztelaniaz, euskaraz eta ingelesez dago eskuragarri. www.concordiabloggers.com webgunean sartuz deskargatu eta jokatu daiteke, eta baita gailu mugikorretan eta tabletetan (Android sisteman zein IOS sisteman) ere. Helburua da ikastetxeetan eta familia eremuan erabili ahal izatea, gizaki guztien zein bakoitzaren oinarrizko eskubideei buruzko ezagutzan eta hausnarketan sakontzeko tresna didaktikoa den bezainbatean.

✔ PC: concordiabloggers.com 

✔ Android: play.google.com/store/apps/details?id=air.ConcordiaVI

✔ IOS: apps.apple.com/us/app/concordia-vi/id1489769659?l=es