PAUSUAK ARRASTOETAN
Memoria berreskuratzeko eta kontakizuna sortzeko

Joan den otsailaren 19an, bederatzigarren urtez jarraian, In Memoriam ekitaldia egin genuen, Fernando Buesa arabar politikaria eta haren eskolta Jorge Diez erail zituzten egunaren urteurrenean.

Urtez urte, ekitaldi horren inguruan elkartasun sare bat eratuz joan da. Bultzada ederra ematen dio fundazioari, terrorismoaren biktimen oroitzapena bizirik iraunaraztearren egiten duen lan honetan.

Beti bezala, biktima horiei eskainitako ekitaldia izan da. Hurbiltasuna eman nahi diegu, eta gure gizartearentzat duten gizalegezko balioa ezagutu nahi diegu.

Julio Cortazarrek badu ipuin bat, Los pasos en las huellas (urratsak oinatzetan), eta horrexek eman dio izenburua aurtengo In Memoriam ekitaldiari. Idazle batek beste baten oinatzen atzetik, bere bizi eta literatura ezagupenaren bila egiten duen ibilbidea du ardatz. Oraingoan, fundazioak biktima guztien oinatzei jarraituz ibili nahi izan du, gure gizartean indarkeria terroristak utzi dituen arrastoen gainean, minarengana gizatiarki hurbiltzearren, eta izan zenaren, oraindik denaren eta berriz errepikatu behar ez litzatekeenaren gogoeta eta ezagupenera intelektualki hurbiltzearren. Espero dugu aurki bizi izango dugula gure gizartea honen luzaroan txikitu duen terrorearen bukaera. Eta orain da biktimei zor zaien ezagutza eta merezi duten harrera egiteko unea. Orain da, orobat, gertatuaren kontakizuna eratzen hasteko unea, emozioarekin, baina baita arrazoiarekin ere. Belaunaldi berriei egiaren, duintasunaren eta justiziaren ondoretza uztearren. Horretarako, fundazio honek hartu du Fernando Buesaren ardura etiko, moral eta politikoaren lekukotza, eta lanean dihardu Euskadiko gizartearen oroimenean iraun dezan.

Natividad Rodríguez, Fundación Fernando Buesa Blanco Fundazioaren lehendakaria.

FERNANDO BUESA BLANCOREN IX. IN MEMORIAM URTEURRENA - PAUSOAK ARRASTOETAN

In-memoriam ekitaldia Fundación Fernando Buesa Fundazioaren ekintzen ardatz nagusia da. Oroitzapenezko ekitaldi honetan, Fernadoren irudia gogorarazi egiten da hitza, musika eta irudien bidez. Pertsona nazional eta internazionalak ere datoz beren testigantza emateko. Musika ere dugu lagun ekitaldi osoaren zehar.

Ekitaldia, 2009ko otsailaren 19an izan zen, Vitoria Gasteizko Principal Antzokian.

Ekitaldiaren argazki sorta.