Joan den azaroaren 29an egin zen Gasteizen Terrorismoaren Biktimen oroimenez ospaturiko hirugarren omenaldi instituzionala, “Gure gogoan bizirik dauden artean itxaropena ere biziko da” lelopean. Omenaldian zehar aurkeztu zen “oroimenaren mapa”, hots, hilketa terroristak egin diren euskal udalerrietan biktimei eskainitako espazio publikoak sortzeko ekimena.

Eta hildakoen oroimena bizirik atxikitzea funtsezkoa bada bai terrorismoaren biktimentzat eta baita ere euskal gizarte osoarentzat, gure ustez omenaldi haren esanahi garrantzitsuena izan zen lehen aldiz bildu zirela horrelako ekitaldi batean biktimen elkarte guztiak, zuzeneko biktima andana bat eta euskal partidu politiko guztiak, denak ere biktimei eskainitako ekitaldi publiko batean senideturik. Desadostasun askoren ostean lortu zen noizbait ere batasuna berreskuratzea, terrorismoa garaitzeko giltzarrietako bat alegia. Lehenik, biktimen batasuna eta haiek ordezkatzen dituzten erakundeena. Ondoren, euskal alderdi politiko guztien batasuna biktimen inguruan. Bi dira, gure ustez, biktima guztiek hainbeste desiratu duten batasuna lortzeko giltzarriak: ETA eta bere akolito zibilen aurkako irmotasun demokratikoko politika, estrategia horri buruzko akordioa, eta bere aplikazio praktikoa EAEn Patxi López Lehendakaria buru den Eusko Jaurlaritzaren partetik. Beharbada gehiago balio du Ertzaintza hiltzaileen argazki eta kartel iraingarriak kentzen ikustea, asmo oneko hitz asko entzutea baino.

Gainera, ETAk 1989ko maiatzaren 24an erail zuen Manuel Jódar Poliziaren Gorputz Nazionaleko lehergailu-teknikariaren alargun Leonor Regañoren hitz argi eta biribilak, ETAren terrorismoaren biktima ez diren beste biktima errugabe batzuek pairatzen duten egoera aitortu beharraz, espiritu eta duintasun handitasunaren adibide dira berriz ere. Leonorrek esan zuen “gizartearen axolagabekeria, erakundeen utzikeria eta bizi duten sufrimenduaren alderako aitortzarik eza” ari direla jasaten. Horra denok jarraitu beharko genukeen adibidea.

Biktimen bidegabeko sufrimenduarekiko elkartasuna agertuz etengabe biktimen alboan egon den Fernando Buesa Fundazioa erabat ados dago Leonorren hitzekin. Horregatik, Fundaziotik gure adostasuna adierazi nahi dugu Eusko Legebiltzarrak gai honi buruz joan den abenduaren 22an aho batez onarturiko Legezkoa ez den Proposamenarekin. Betebehar etiko eta soziala dugu terrorismoak sorturiko biolentzia giroarekin zerikusia duen bidegabeko sufrimendu guztia aitortu eta konpontzeko.

Natividad Rodríguez, Fundación Fernando Buesa Blanco Fundazioaren lehendakaria.

TERRORISMOAREN BIKTIMEI OMENALDIA

Azaroaren 29an egin zen Gasteizen terrorismoaren biktimen oroimenez ospaturiko hirugarren omenaldi instituzionala. Orain arte ospaturikoetatik bateratzaileena. Ekitaldi hunkigarria, "etorkizun hobe bat" iradoki ziguna. Maixabel Lasa, Terrorismoaren Biktimei Laguntzeko bulegoko zuzendariaren hitzetan, “onarpena lortu ondoren, orain memoria da erronka nagusia hortzmugan, eraildakoen oroitzapena ohoratzea alegia…”

  Ekitaldiaren hemeroteka

ELKARRIZKETA IÑIGO LAMARCA, ARARTEKOARI

Fundación Fernando Buesak egindako galderak - Balore txostena

Iñigo Lamarca Arartekoak berak zuzentzen duen erakundeak eginiko txostena aurkeztu digu. Txosten horrek nagusiki aztertzen du gure Erkidegoko adingabekoak zenbateraino beren gain hartzen dituzten edo ez oinarrizko zenbait balore, hala nola, hainbat gizarte-eragilek aipaturiko balore horiek transmititu eta eraikitzeko duten indar edo eragina.

  Iñigo Lamarcaren elkarrizketa (Gastelaniaz)

  Arartekoaren txostena: Adingabekoei baloreak transmititzea

IRAKURKETA GOMENDATUAK

Atseden egun hauetan hainbat argitalpen irakurtzea gomendatu nahi dizugu, interesgarri izan daitezkeelako bai beren edukiagatik eta baita ere beren egituragatik.

	“El ángulo ciego”. Idazlea: Luisa Etxenike. Argitaletxea: Bruguera Luisa Etxenikek parte hartuko du martxoaren 1ean Fundazioak "El ángulo ciego"-ren irakurketaren inguruan antolaturiko literatur solasaldian.
	“La razón desposeída de la víctima” Biolentzia EAEn Jean Améryren ikuspuntutik. Idazlea: Martín Alonso. Argitaletxea Bakeaz.
	“El pesimismo histórico de Walter Benjamin y las víctimas”. Idazlea: Joseba Arregi. Argitaletxea: Bakeaz.
	“Identidad como memoria narrada y víctimas del terrorismo”. Idazlea: Xabier Etxeberria. Argitaletxea: Bakeaz.
	“La educación para la paz vertebrada por las víctimas”. Idazlea: Xabier Etxeberria. Argitaletxea: Bakeaz.
	“Con las víctimas del terrorismo”. Koordinatzaileak: Antonio Duplá eta Javier Villanueva. Argitaletxea: Gakoa.

LITERATUR SOLASALDIAK

Luisa Etxenikeren “El ángulo ciego”

Otsailaren 1ean eta martxoaren 1ean egingo ditugu 2009ko Gaztelaniazko Euskadi Literatur Saria den “El ángulo ciego” nobelari buruzko literatur solasaldiak. Martxoaren 1ean, gainera, idazlea bera etorriko da eta nobela interesgarri honi buruzko hainbat alderdiren inguruan mintzatuko gara.

Parte hartu nahi baduzu idatzi helbide honetara: centrodocumental@fundacionfernandobuesa.com

  Manrais: videojuego para educar en Derechos Humanos - Cátedras teléfonica Universidad de Deusto. Dokumentuaren hizkuntza: GAZTELANIA

"ADINGABEKOEI BALIOAK TRANSMITITZEA" TXOSTENA