BULTZADA BERRIA, PROIEKTU FINKATU BATI

Fundación Fernando Buesa Blanco Fundazioa, nire senar Fernando erail zutela eta sortu zen. Fundazioarekin Fernandoren hutsunea bete nahi izan genuen, eta haren ezaugarri izan ziren balioen aldeko lana jarraitu. Halaxe eratu genuen «herritar libreen plataforma». Nork bere nortasunetik, gure energiak batu genituen, sinesten ditugun balio demokratikoak aldezteko.

Fernandoren oroitzapenari bizirik eustea, haren duintasuna eta terrorismoaren biktima guztiena aitortzea, eta indarkeriari etikaren, gizartearen eta politikaren ikuspegitik zilegitasuna kentzea izan dira, hasieratik, gure helburu nagusi. Hastapenetik bertatik, ANIZTASUNA balioetsi izan dugu, eta irizpide horrekin eratu genuen patronatua. Euskal gizartearen ezaugarri da aniztasuna, baina balioa ere bada, ezberdintasunak ematen baitigu elkarrengandik ikasteko eta pertsonatzat hazteko aukera. Guztiok berdinak izango bagina, lehendik ere bagenuena besterik ez genuke aurkituko gure baitatik kanpora. Horrek eskatzen du, jakina, jarrera irekia izatea, besteak errespetatzea, guretik ematea, geurea dena partekatzea, eta besteek eman diezaguketena onartzea. Jarrera hori funtsezkoa da «elkarrizketa»rako, eta, dudarik gabe, hezkuntzaren bidez hartzen da. Horregatik, balio hezkuntza da gure lan ildo estrategikoetako bat.

Guztiok kabituko garen etorkizun bat eraiki nahi badugu, guztiok askatasunez mintzatu ahal izateko, pentsamolde ezberdina duelako inor hilda edo baztertuta geratu gabe, gure seme alabei eta gazteei helarazi behar dizkiegu bakearen, askatasunaren eta «bestea errespetatzearen» balioak. Fernando politikaria zenez, Euskadiko gizartearen aldeko ardura hartu zuenez, zuzenbideko Estatua aldezten zuenez, egoera politikoa ere bada gure ardura. Uste dugu Euskadik behar dituela guztiontzako tokia eskaintzen duten proiektu integratzaileak; legeak eta zuzenbideko Estatua errespetatzen dituzten proiektuak. Zubiak eraikitzeko lan egiten dugu, eta adostasunetara iristearren harremanak errazteko.

Zortzi urteko ibileraren ondoren, fundazioa proiektu finkatua da, eta bultzada berria eman nahi diogu, eta gure nortasun ezaugarriak berretsi. Horregatik guztiagatik, zortzi patroi berri ditugu. Ohoratu egiten gaituzte euren ardurarekin, eta lehen fundazioaren nortasun ezaugarritzat aipatu dudan aniztasunaren erakusgarri dira. Askotarikoak dira aukera ideologikoetan; hainbat arlotatik datoz (hezkuntza, politika, sindikatuak, kultura, enpresak…); baina guztiak dira fundazio honen jarduna gidatzen duten balio demokratikoekin bat datozen euskal hiritarrak. Nire esker ona adierazten diet, fundazio honen alde egin duten urrats horrengatik, euren helburuak lortzearren lan egiteko prest izateagatik, eta diren bezalakoak izateagatik.

Natividad Rodríguez, Fundación Fernando Buesa Blanco Fundazioaren lehendakaria.

PATRONATUA

Fundación Fernando Buesa Blanco Fundazioaren patroi berrien aurkezpena.

Ekitaldia Azaroaren 26an izan zen, goizeko 10retan Armentiako Santuaren Etxean, Vitoria-Gasteizen.

Parte hartu zutenek:

Natividad Rodríguez Lajo, Fundación Fernando Buesa Fundazioa lehendakaria

Patrono berriak:

Alfonso Alonso, kongresuan parte hartzen duen Partido Popularraren diputatua
Santiago Bengoa, sindikalista
Teresa Crespo, abokatua
José Miguel Fdz. López de Uralde, Euskal Parlamentuaren mahaiko bigarren idazkaria EB
Josu Jon Imaz, Petronorreko lehendakari betearazlea
Miren Ortubay, abokatua
Antonio Rivera, PSE-EEko eusko parlamentarioa
Ramón Saizarbitoria, idazlea

Patrono berrien aurkezpenari buruzko hemeroteka :

Los patronos de la Fundación Buesa se comprometen a defender la democracia desde la pluralidad. Las ocho nuevas incorporaciones proceden de diferentes ámbitos de la sociedad vasca como el sindical, el político, el empresarial y el educativo
EL CORREO 20008/11/26 - Dokumentuaren hizkuntza: GAZTELANIA

Imaz entra en la Fundación Buesa para «construir una sociedad entre diferentes»
EL CORREO 2008/11/07 - Dokumentuaren hizkuntza: GAZTELANIA

Los nuevos patronos de la Fundación Buesa se comprometen a defender la democracia desde la pluralidad.
 Diario Vasco  2008/11/26 - Dokumentuaren hizkuntza: GAZTELANIA

López ve en clave de "pluralidad" que Imaz vaya a la Fundación Buesa
 EL PAÍS  2008/11/26 - Dokumentuaren hizkuntza: GAZTELANIA

La Fundación Buesa incluye, entre sus nuevos patronos, a Josu Jon Imaz
 NOTICIAS DE GIPUZKOA  2008/11/26 - Dokumentuaren hizkuntza: GAZTELANIA

Aurkezpenari buruzko hemeroteka gehiago.