FERNANDO BUESA, HITZAREN BALIOA

Joan den otsailaren 17an ospatu genuen Fernando Buesa eta Jorge Díezen X. In Memoriam ekitaldia, eta gure Fundaziotik hurbil dauden lagun guztien berotasuna sentitu genuen.

Hamar urte igaro dira izuak Fernando eta Jorge gure artetik eraman zituenetik. Hamar urte beren senide, familia eta lagunok haien falta nozitzen ari garenetik.

Fernando Buesa zerbitzari publikoa izan zen, bere bizitza politikagintzari eskaini ziona mundu bidezkoago eta solidarioago bat sortzeko. Hitzeko gizona zen, bai instituzioetako jardunean eta baita ere bere agerraldi publikoetan, eta irmoki defendatu zituen bere printzipioak, aurkari politikoari beti aitortzen ziolarik zor zaion ezagutza. Beti ari zen adostasunak bilatzen, negoziatzaile nekaezina zen eta zuzenean parte hartu zuen gure gaur eguneko egitura instituzional eta politikoaren oinarrian dauden kontsentsuak eraikitzen.

Horregatik guztiagatik hil zuten. Uste izan baitzuten bera erailez hark ereindako guztiarekin amaituko zutela. Hamar urte geroago esan dezakegu ez dutela lortu. Politika munduan Fernandok utzitako hutsunea betetzea ezinezko lana da, baina bere ideiak eta defendatu zituen printzipioak bizirik daude oraindik, eta sekula baino indartsuago.

Denbora honetan, gure Fundazioak bizirik mantendu du Fernandok utzitako ondare politikoa. Jakinik aniztasuna dela gure gizartearen funtsa, partekatzen ditugun balioak defendatu ditugu, elkarbizitza demokratiko bat posible egiten duten balioak: bizitza, askatasunerako eskubidea, tolerantzia eta ezberdinarekiko errespetua.

Bizirik atxiki dugu baita ere terrorismoaren biktimen memoria, zintzoki defendatuz egia, justizia eta duintasunerako duten eskubidea. Eta eurei, biktimei, gogoeta bat zuzendu nahi nieke. Biolentzia terroristak oinazezko zama bat jarri digu bizkarrean betiko. Ez da posible ahaztea. Baina badakit baita ere, gure artetik erauzi dizkiguten izaki maite horiei, gure gurasoei, gure seme-alabei, gure senarrei, ez litzaiekeela gustatuko beren faltak betiko dohakabe egingo bagintu.

Horregatik animatzen zaituztet bila dezazuen eguneroko gauzen alderdi positiboa; izan dezazuen jarrera irekia, zoriontsu izateko aukera bakar bat ere pasatzen ez uzteko. Bizitzak noiznahi harritu gaitzake galtzen ezin uzteko moduko aukera berriak eskainiz.

Natividad Rodríguez, Fernando Buesa Blanco Fundazioaren Presidentea
 

  Ekitalde osoaren bideoa

FERNANDO BUESA ETA JORGE DÍEZen
X IN MEMORIAM

EEkitaldi honetan Naty Rodríguez izan da aurten ere terrorismoaren biktima guztientzako erreferentea: bere ahotsa eman die eta ahots hori adituz biktimak aintzat hartuak eta indarberrituak sentitu dira.

Fernando Buesa Fundazioko presidente bezala, bizirik atxiki du Fernandok utzi digun ondarea, balio demokratikoak defendatzeko Fernandok zeukan indarra, etengabe aldarrikatu zuena zalapartarik gabe baina amore eman gabe.

  Natividad Rodríguezen hitzaldiaren bideoa

Álvaro Gil-Robles, Europako Kontseiluko Giza Eskubideen Komisario eta Ararteko ohia. Biolentoen “sufrimenduaren sozializazio” estrategia basatiak babesik gabe eta gizartean isolaturik utzi gintuenean, Álvaro Gil-Robles izuaren biktimekin elkartu zen, sentsibilitate handiz aditu zituen haien hitzak, ulertu zuen jazarpenak bortxatutako gizatasunaren garrasia eta haien oinazea bistaratu zion biktimekin hain itsu eta gorra izan den euskal gizarte honi. Aparteko lana egin zuen eta buelta eman zion terrorismoarekiko tolerantziaren politikari.

  Álvaro Gil-Roblesen hitzaldiaren bideoa

Donostiako Udal Musika Eskolako Hari Orkestra Gaztearen eskutik musikak etorkizun hobe baten esperantza ekarri zuen gure bihotzetara, etorriko denaren ilusioa. Musikari horien bitartez gure gaztediaren zati handi baten balioa aitortu nahi dugu. Lagundu egin behar diogu gaztedi horri, gazteen eskuetan baitago gure gizarteak duen onena.

  Donostiako Udal MusikaEskolako Hari Orkestraren emanaldiaren bideoa

Fernando Buesa politikari bikaina izan zen, paper garrantzitsua izan zuen gure autogobernuaren garapenean, euskal gizartearen zati baten ordezkaria izan zen baina agintera heldu zenean herritar guztiak hartu zituen gogoan. Zerbitzari publikoa izan zen, aurkari leiala, hitzeko gizona eta printzipio sendoko pertsona. Fernando ezagutu genuen guztion ahotsaren bitartez ibilaldi motz bat egin dugu haren bizitzan barrena eta dokumental honetan jasotzen dugu haren ondare pertsonal eta politikoa.

   Fernando Buesaren bideo dokumentala

Fundazioaren jardueren memoria

   Fundazioaren Jardueren memoria

Hamargarren In Memoriam ekitaldi honetan Joan Manuel Serrat adiskidea izan dugu gurekin. Bere kalitate artistiko ukaezinaz gain, goresgarriak zaizkigu askatasunari dion maitasuna, pertsonekin eta sufritzen dutenekin hartu duen konpromisoa eta bere xalotasun eta hurbiltasun apartak.

 Joan Manuel Serraten emanaldiaren bideoa

Fernando Buesa eta Jorge Díezen X In Memoriam Urteurrenaren argazki galeria

"Buesa sería feliz con este Gobierno"
El Correo 2010/02/14 Dokumentuaren hizkuntza: GAZTELANIA

Programa Plaza Nueva.Natividad Rodríguezen elkarrizketa
RADIO VITORIA  2010/02/16 - Dokumentuaren hizkuntza: GAZTELANIA

Gasteizko Principal Antzokia. Fernando Buesaren X Urteurrena. Discurso Natividad Rodríguez.
EITB 2010/02/17 Dokumentuaren hizkuntza: GAZTELANIA

Boulevard saioa. Natividad Rodríguezen elkarrizketa
EITB RADIO EUSKADI  2010/02/17 Dokumentuaren hizkuntza: GAZTELANIA

Grafiti en rojo saioa. Álvaro Gil-Roblesen elkarrizketa
RADIO EUSKADI  2010/02/17 Dokumentuaren hizkuntza: GAZTELANIA

Aquel 22 de Febrero. Javier Rojoren arikulua
El País 2010/01/19 Dokumentuaren hizkuntza: GAZTELANIA

"El Estado tiene una deuda pendiente con las víctimas del terrorismo"
abc.es 2010/02/21 Dokumentuaren hizkuntza: GAZTELANIA

Las dos euskadis de Buesa
El Diario Vasco 2010/01/21 Dokumentuaren hizkuntza: GAZTELANIA

Hoy por hoy Gasteiz saioa
CADENA SER  2010/02/21 Dokumentuaren hizkuntza: GAZTELANIA

A vivir que son dos días saioa. Natividad Rodríguezen elkarrizketa
CADENA SER  2010/02/21 Dokumentuaren hizkuntza: GAZTELANIA

Telenorte saioa
TVE País Vasco 2010/02/23 Dokumentuaren hizkuntza: GAZTELANIA

Informe Semanal saioa
TVE  2010/02/27 Dokumentuaren hizkuntza: GAZTELANIA

 Fernando Buesa eta Jorge Díezen X In Memoriam Urteurrenaren hemeroteka